Diciu antigu non errat.
₪₪₪₪₪₪₪₪₪₪₪₪₪₪
Non est maccu quie manigat, est maccu quie apparitzat !!!Su bisonzu faghet su ezzu a currer !!!
A peraulas maccas, orijas surdas !!!
Si s'unu non queret, sos duos non brigant !!!
Senza motivu non pigat s'attu a sa trae !!!
S'abba curret a mare !!!In ue queret zappu, dad'abba !!!
Mezus fertu de balla qui non de machine !!!
O est babbu, o est barriu 'e pazza !!!
Sos honores cambiant sos humores !!!
Qui toccat su pighe, s'imbruttat sas manos !!!
A cane etzu, non li nerzas ciucciu !!!
Quie arribat cand'hat, manicat cando cheret !!!
Abba qui in pistone pistas, abba est et abba s'istat !!!
Si handat su 'entu et non bentulas,
de istare in s'arzola ti nde irvulas !!!
Betta in terra et ispera in Deus !!!
Pudda chi non biccat, biccatu hat !!!
Bhier cum sitis, manicare cum famine !!!
Mare mannu et pische nudda !!!
Dae Natale in sus, frittu e famine prus !!!
Boga sa fama et drommi !!!
De su frittu de beranu, s'ainu nde tremet !!!
Su diaulu faghet padeddas, ma copertoret non !!!
Faina de notte, birgonza de die !!!
Quie ispettat piattu anzenu, frittu lu manicat !!!
Si non cheres saccheddos, non ti fettas molinarzu !!!
Si queres qui s'amore si muntenzat,
unu piattu qui andet et s'atteru qui 'enzat !!!
Sa limba de su mele, truncat sa limba de su fele !!!
S'abba curret a mare !!!
Humana bellesa, ses de paga dura !!!
Nen bella senza peccu, nen fea senza tractu !!!
Fagher su bellu in cara, et insegus s'istoccada !!!
Sos benes component macchine et dishonore !!!
Non serres sa bucca de quie ti queret bene !!!
Buffone ses, in corve moris !!!
Tristu quie ispettat bustu de domo anzena:
si nde tenet a bustu non nde tenet a chena !!!
Buttiu mortu faghet fossu !!!
Unu est su s'acconzare, s'ateru su non haer cabu !!!
Benner bene que berritta a tinzosu !!!
Ognunu dat contu de sa bertula sua !!!
Quie non bettat non boddit !!!
Sos bezzos a sinnu torrant de pizzinnu !!!
Sos males de sa juventude bessint in sa bezzesa !!!
Cum su caddu o meda affacca, o meda attesu !!!
A caddu toccadu sa sedda li pìttigat !!!
Caddu de mesu a pare, nen fune nen murrale !!!
Mezus caddu toppu qui non caddu mortu !!!
Caddu lanzu, musca meda !!!
Bàrriu minore, remiarzu mannu !!!
In caminu s'acconzat barriu !!!
Qui tenet bastimentu, tenet pensamentu !!!
Sas limbas semper de nou,
Non laxant de murmurare,
Et est pro non si mirare,
Ognuna in s'ispiju sou.
¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯
A tempus immentigadu si còjuant sas battias !!!
Belosu ses, corrudu moris !!!
Iscuru a quie non tenet ite bendere !!!
Prestu et bene non andat mai bene !!!
Da inoghe a Bennarzu, né anzone né arzu;
dae Bennarzu in cudda ia, frittu famine et carestia !!!
Corvu cum corvu non sinde bogant s'oju !!!
Corvos et corronchas annuntiant abba !!!
A boza de corvu non morit ainu !!!
Cosa agatada est de poverittos !!!
A cosa facta non balet impudu !!!
Unu contu si faghet s'ainu, e unu s'ainarzu !!!
Borrios de ainu non basciant a chelu !!!
Brazzu a pectus et camba a lectu !!!
In bucca serrada mai b'intrat musca !!!
Nisciuna 'ucca narat sa culpa sua !!!
Su Re non pagat pius buffones !!!
Buglia buglia si narat sa veridade !!!
Quie non baliat buglias non b'intret in giogu !!!
In Butica non assazes !!!
Tue e tottu t'has factu sa cadena !!!
A mala boza si baliant calches !!!
Calchina et cappa ogni male tappat !!!
Non benzat dannu, birgonza non sento !!!
Mezus dare qui non pedire !!!
Su leare non est qu' et i su dare !!!
Qui andat a dare, s'exponet a leare !!!
Dare et leare amigos sunt de pare !!!
Si nde faghes unu didu nde pagas unu cuidu !!!
Qui hat unu didu iscapuladu de frequente si lu abbaidat !!!
Qui ponet su didu, bi laxat su cuidu !!!
Queres passare una bona die? faghedi sa barba;
una chida? bocchi su porcu; un annu? cojuadi !!!
Sa die bona ispectala fora !!!
Dormire pagu vida meda. Qui dormit meda pagu vivet !!!
Homine dormidore, pagu cuidadosu !!!
Ad s'istogamu est dulze su qui est ranzigu a bucca !!!
Pesat piuber che mazzone in mesu ebbas !!!
Ogni edade est a tempus de imparare !!!
Fagher comente s'erittu ad sa colora !!!
Pius balet s'experientia qui non sa scientia !!!
Dae su malu exemplare andant sos fizos male !!!
Quie fabricat, l'ischit ad s'ultimu !!!
Qui mudat padru, mudat fadu !!!
Da qui ti hap'a imparare ti hap'a perdere !!!
Plus balet s'impodda qui non su qui nos dades !!!
Dai sos malos impositos benit sa revolutione !!!
Laxa s'incertu meda, et lea su certu pagu !!!
Su mezus remediu ad sas injurias est s'immentigu !!!
Ad s'inimigu parare, dae sa iustitia fuire !!!
Mezus bastonadas de amigu qui non lusingas de inimigu !!!
Qui perdonat ad s'inimigu, de manu de s'inimigu morit !!!
Deus ti ardet de inimigu riconziliadu !!!
Dae sa die qui prestas, has un'inimigu de pius !!!
Quie non abbaidat innantis firmat addaisegus !!!
De istiu anda innantis, de ierru addaisegus !!!
Quie non queret inteder non narat (e si bides faghedi zegu) !!!
Mezus imbidiadu qui non lastimadu !!!
Quie queret irricchire ind'unu annu, morit in bator meses !!!
Ogni mossu est nemigu de su famine !!!
A tie naro sogra, intendedilu nura !!!
Su peccadu de s'iscandalu,
est plus mannu de su qui si faghet !!!
De unu palmu de iscarlattu nde querent calzone et cappa !!!
Unu iscarmentu balet pro chentu !!!
S'iscarpa devet istare subta s'iscarpone !!!
Iscarpa limpia, intendimentu ruinzadu !!!
Quie non ischit est cumpagnu de su zegu !!!
Quie narat quant'ischit perdet quantu hat !!!
Iscuja non dimandada, accusa manifestada !!!
Iscujas de malu pagadore !!!
Isperantia morta intristat de pius !!!
Qui andat ad s'ispidale, istat ad su qui li faghent !!!
Ispidu factu petta annuntiat !!!
Sas ispinas s'abbrazzant umpare !!!
Serrat un'istampa, et nd'abberit un'atera !!!
Quie s'istentat non intrat !!!
Cane pressada, catteddos chen'ojos !!!
In d'ogni mattighedda, b'hada un'orijedda !!!
Martu siccu massaju riccu !!!
Abrile, ogni die pioile !!!
Ad s'istranzu non l'abbaides sa bertula !!!
Unu contu faghet s'istranzu, et s'ateru s'osteriarzu !!!
Sos istrazzos sunt sos qui bolant !!!
Ogni istrazzu intrat in bogada !!!
Non jughet istuppa in bucca !!!
Ad s'istuturrada s'istoccada !!!
Ponner jaga in su padru !!!
Jaganu semper et preideru mai !!!
Ind'ogni janna bi hat jau, et plus in sos portales !!!
Quie iscultad in janna anzena, sos males suos intendet !!!
Lassa s'attu, qui jogu senza iscrefiada mai hat fattu !!!
Juramentos de ladru non nde cretas !!!
Mezus terra senza pane qui terra senza justitia !!!
Justitia noa, ferramenta acuta !!!
Su justu pianghet pro su peccadore !!!
Qui non trabagliat in juventude, pianghet ad sa bezzesa !!!
Su lacte bessit dae sos mossos, et non dae sos ossos !!!
Su qui est lacu est lacheddu !!!
Su ladru non hat fide in logu !!!
Quie non pagat in lagrimas, pagat in suspiros !!!
Esser comente et lana in mesu de pectenes !!!
Non queret bider lana niedda in domo anzena !!!
Si campant sos porcos, sa lande ja torrat !!!
Esser que porcu in lande !!!
Su laore costat suore !!!
Su malu lauradore non jughet iscattadorza !!!
Sa die de lardajolu qui non hat dinari si bendet su lentolu !!!
S'annu qui hat a pioer fae cum lardu !!!
Su baratu est carestia !!!
Da ue si leat, et non si bi adjunghet, su male si bi inconfundet !!!
Quie si disponet a dare, si disponet a leare !!!
Quie dormit in lectu anzenu, non dormit quantu queret !!!
Leges meda, pobulu miseru !!!
Qui observat sa lege antiga durat annos plus de vida !!!
Lentiza de pedru fae, lentiza de bonu coctu: et si non
cheres pedru fae, ponebei ozu et azu !!!
Isterre su pe segundu su lentolu !!!
Lentore in herva, narat serenidade !!!
Su leone ogni peta s'hat potidu mandigare, foras de sa sua !!!
Andare que i su lepere !!!
Quie sighit duos leperes, non nde sighit mancunu !!!
Sa limba non jughet ossu, et nde faghet segare !!!
Limba qui non intendo, pagu mi importat !!!
Limba qui non faeddat male si sentit !!!
A quie faeddat male si li segat sa limba in casciale !!!
Limba qui non faeddat a corcorija si faghet !!!
Si faddit limba, non faddit coro !!!
Non de ogni linna si faghent sos Sanctos !!!
Linu muzzu, tela longa !!!
Qui mezorat in logu anzenu, perdet totu quantu !!!
Da quie si devet bider sa lughe si bident sas tenebras !!!
Morrer senza lughe et senza rughe !!!
Iscuru a quie hat mala lumenada !!!
Mudaresi que i sa luna !!!
Quircare, o sighire sa luna in s'abba !!!
Fagher bider sa luna in s'abba !!!
Sa luna de cabidanni lughet pius de totu !!!
De macchine e poesia ognunu hat sa parte sua !!!
Su macchine hat trinta sex genìa,
et ognunu tenet su pagu sou !!!
Ischit plus su maccu in domo sua, chi
non chentu sabios in domo anzena !!!
Su trabagliu factu finzas su maccu lu cum cumprendet !!!
Cando unu maccu betta sa pedra in su puttu, bi cherent
chentu sabios a ndela bogare !!!
Su perdonare est de Deus, su ismentigare est de maccos !!!
Su chi faghent sos maccos lu devent componner sos sabios !!!
Sos maccos ispendent, et i sos sabios mandigant !!!
Una manu samunas s'atera, et ambas sa cara !!!
Quie jughet pane in saccu, non faddit né est maccu !!!
Sas manos brutas non habitant in logu !!!
Brigas de maridu et muzere dae lectu a cadrea !!!
Barca segada marineri in terra !!!
Mastru senza misura, mastru de cadragula !!!
Mastru abbaidat mastru !!!
Innantis matta crebare qui non ricattu avanzare !!!
Ogni mazzone in tana sua !!!
Famine finzas a coghere non est mai malu !!!
______________________________
Su diciu fit un homine bonu,
totu su chi naraiat, s'avveraiat.
¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯
Su diciu fit un homine bonu,
totu su chi naraiat, s'avveraiat.
¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯
su mundu est gai,
a sicut era
non torrat mai.
Peppinu Mereu
Peppinu Mereu
